Општина Кисела Вода ќе постави мерна станица за квалитет на воздухот во близина на Цементарница.

Градоначалникот Орце Ѓорѓиевски информира дека ова е првата мерна станица што се поставува, но дека во Буџетот за наредната година ќе се обезбедат средства уште за две, од кои една ќе биде поставена во Драчево, а другата во Кисела Вода.

Здравата животна средина е наш приоритет и стратешка заложба, па контролата на квалитет на воздухот, посебно во близина на идустриски капацитет е неопходност во борбата против загадувањето. Ова е само еден чекор во борбата за животната средина, а сега останува да се засили ангажманот на градот Скопје и централната власт кои имаат ингеренции во оваа област – вели Ѓорѓиевски.

Тој очекува и инспекциите да си вршат својата работа и во наредниот период да има неселективна контрола на индустриските капацитети.