Јубилејни 50 години – „Златно славејче“ ќе се одржи под ведро небо
Најреномираниот фестивал на детска песна „Златно славејче“ годинава слави јубилеј, својот 50-ти роденден. В сабота, со почеток во 11 часот, на паркингот на Спортскиот центар „Борис Трајковски“ ќе се одржи 50-тото издание на фестивалот „Златно славејче“.
На овој фестивал ќе бидат изведени најголемите хитови од сите претходни изданија, а меѓу нив се: „Мојата учителка“, „Дувна ветре развигорче“ „Сакам кола убава“, „Дајте раце“, „Никола, Никола“, „Ех, тој Тоше“, „Слонче“ и многу други.
Поради безбедноста на посетителите, картите се пуштени во ограничен број по цена од 150 денари, а можат да се набават на касата на Универзална сала и онлајн.
– Се потрудивме за безбедно другарување според сите услови и протоколи што ни се на располагање – велат организаторите.