ЈП „Водовод и канализација“ ќе спроведе акција за наплата на долговите без пресметка на камата. Акцијата за наплата на долговите на рати без камата за физички и правни лица е со определен временски рок, почнувајќи од 1 фервруари заклучно до 15 март 2022.

Ги повикуваме сите корисници кои имаат заостанат долг во овој период да аплицираат за склучување на договори за исплата на долговите на најмногу 24 рати, во зависност од висината на долгот, без пресметка на камата за задоцнето плаќање. По истекот на овој период одлуката престанува да важи – наведуваат од ЈП „Водовод и канализација“.

Надлежните од ова јавно претпријатие, а имајќи ја во предвид ситуацијата со коронавирусот, заради заштита на сопственото здравје и здравјето на другите, како и превенција од ширење на вирусот, ги повикуваат граѓаните на разбирање и почитување на сите протоколи кои ќе се спроведуваат од страна на ЈП „Водовод и канализација“, при посетите на претпријатието од страна на корисниците за склучување на договорите.