Јавното претпријатие „Новинска агенција Танјуг” избршано од српскиот регистер на стопански субјекти
Јавното претпријатие Новинска агенција Танјуг денеска беше избришана од Регистарот на деловни субјекти што го води српската Агенција за деловни регистри (АПР), јавија белградски медиуми.
Одлуката за бришење на Танјуг од АПР беше донесена по пријава доставена денеска од поранешната директорка на таа новинска агенција, Бранка Ѓукиќ, јави Бета.
Во декември минатата година, Републичката управа за имот потврди на Здружението на новинари на Србија дека компанијата „Точно” од Белград го купила правото на користење на имотните права на новинската агенција Танјуг за 628.000 евра во одреден временски период.
Основачи на таа компанија се РТВ Панчево со 60 проценти од капиталот со основачки влог од 600 динари и „Минакорд медиа” со 40 проценти од капиталот со 400 динари. Законски застапници на „Минакорд медиум” се Жељко Јоксимовиќ и Мања Грчиќ.
Како што е наведено во соопштението, купувачот е должен да ги преземе вработените во Јавното претпријатие Новинска агенција Танјуг, како и одреден број други ангажирани во согласност со одредбите од Законот за работни односи.
Во ноември 2018 година, Владата на Србија донесе одлука за затворање на Танјуг.