Во напуштена куќа во српското село Печеног на 25 километри од градот Краљево, во утринава е пронајден човек кој си го одземал животот, а до него сериозно повредена лежела девојка, објави српски „Телеграф“.

Станува збор за Александар Т. (26) од Краљево и Анџела С. (22) од селото Чукојевац. Според пишувањата на локалните медиуми, најверојатно се работи за обид за убиство и самоубиство

–  Глетката беше морничава, момчето се обесило и веднаш забележавме дека е мртов, а девојката се наоѓаше до него и даваше некои знаци на живот, иако очигледно беше дека неколку пати е прободена со нож – рече за новинарите еден жител на селото Печеног кој се нашол на местото на настанот.

Девојката во тешка здравствена состојба е примена во болницата во Краљево.

– Таа има седум убодни рани, од кои четри се во пределот на градниот кош, две во вратот и една во пределот на стомакот. Моменталната состојба е стабилна, но со оглед на фактот дека станува збор за тешки телесни повреди, неблагодарно е да се прогнозира. Се очекува во следните 24 часа нејзината состојба да се стабилизира – рече лекарот кој ја примил во болницата.

Куќата во селото Печеног му припаѓала на дедото на мажот кој се обесил, а полицијата работи на утврдување на сите околности под кои е извршено делото.

– Во овој регион ваков настан не се памети. Луѓето зборуваат дека станува збор за суицидално семејство. Дедото на Александар се самоубил со пушка, а потоа татко му се обесил на планината. Слична судбина го стигна и ова момче – изјави за српски „Курир“ човек кој го познавал семејството.