Ја обновија врската по 10 години: Ашанти и Нели го очекуваат нивното прво дете
Американската пејачка Ашанти (43) и раперот Нели (49) ја објавија среќната вест дека се вериле, но и дека го чекаат нивното прво заедничко дете.
„Оваа нова година е толку благословена, полна со љубов, надеж и исчекување. Мајчинството е нешто на што се радував долго време, а споделувањето на ова со моето семејство, вереникот и верните обожаватели е неверојатно искуство“, изјави пејачка.
Ова ќе ѝ биде прво дете на Ашанти, додека раперот веќе ги има ќерката Шанел (29) и синот Корнел Хејнс Трети (24) со поранешната партнерка Шанета Валентин. Американските медиуми уште во декември објавија дека оваа славна двојка очекува заедничко бебе, но парот дури сега го потврди тоа.
Инаку, парот се запозна во 2003 година на прес-конференција по повод доделувањето на музичките награди Греми. Тие беа во врска десет години, а потоа раскинаа. Но, десет години подоцна, во април 2023 година, почнаа гласини дека парот се смирил додека седеле заедно на боксерски меч во Лас Вегас. Неколку месеци подоцна, Нели потврди дека се повторно заедно.