Сообраќајот на грчкиот граничен премин „Евзони“ е во прекин за секаков тип на возила од 17 часот, информира Авто-мото сојузот на Македонија (АМСМ).

Сообраќајот на државните патишта се одвива непречено, по влажни коловози. Врнежи од снег со променлив интензитет се бележат на Попова Шапка, но во моментов не преставуваат пречка за одвивање на сообраќајот.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево.

Грчките земјоделци што протестираат во средата изразија почетно незадоволство од пакетот мерки што Владата го објави претходно во текот на денот, оценувајќи дека тие не ги решаваат нивните клучни проблеми, објави „Катимерини“.

Сега се очекува земјоделските собранија да одлучат за следните чекори, откако Владата јасно стави до знаење дека нема да понуди дополнителни отстапки, со што практично следниот потег им го препушта на демонстрантите.