Израмнет рекорд: Шифрин го освои Големиот кристален глобус по шести пат
Канадската скијачка Валери Грение го освои последниот велеслалом во сезоната во Хафјел, Норвешка, а Големиот кристален глобус ѝ припадна на Американката Микаела Шифрин.
Препорачано
Шифрин заврши на 11 место на денешниот велеслалом, што беше доволно за да го освои првото место во генералниот пласман на Светскиот куп со 1.410 поени. Германката Ема Ајхер ја заврши сезоната на второто место со 1.323 поени.
Шифрин го освои Големиот кристален глобус по шести пат во својата кариера, израмнувајќи го рекордот поставен од легендарната Австријка Анамари Мозер-Прел.
Грение го освои последниот велеслалом во сезоната со време од 2:16,79 минути. Втора беше Норвежанката Мина Фурст Холтман, која заостануваше 0,43 секунди зад победничката. Трета беше Австријката Јулија Шајб (2:17,36). Шајб претходно го обезбеди малиот кристален глобус во велеслалом со 720 поени, додека второто место го освои Камила Раст од Швајцарија со 511.
Новата сезона во Светскиот куп за жени ќе започне на 24 октомври со велеслаломот во Зелден.
