Изложба во Прилеп: Колорит што пленува со убавина и складност

Изложбата „Ликовни предели“ од битолскиот сликар Драган Најденовски од 7 август е поставена во НУЦК „Марко Цепенков“ во Прилеп. Како ликовен уметник Најденовски имал повеќе од 40 самостојни изложби, а учесник е на многу групни изложби и графички манифестации кај нас и во светот.

Во текстот за изложбата писателот Панде Манојлов забележува дека на сликите од најновото ликовно творештво на Драган Најденовски има поетизам, лиризам, естетизам и складност на бои.

– Познатиот македонски и битолски ликовен уметник Драган Најденовски, со својот долгогодишен труд и сублимантен ликовен талент се избори за свој и своевиден творечки стил во ликовното творештво на нашите простори, а со тоа и да се оттргне од некаква, наша Гутенбергова галаксија на некаква си врамена шаблонска традиција и да создаде своја специфична и препознатлива нова и модерна галаксија, во која неговите слики сјаат со посебни нијанси и колорит што пленува со убавина и складност.

Со своите најнови ликовни дела работени во масло на платно, молив на хартија, пастели или оние маслени пастели комбинирани со молив на хартија, од неговиот циклус „Ливадата на музите“, во неговите „Предели“ создава нешто исклучително уметнички вредно, откривајќи го оној, речиси, бестијален и јанѕоносен немир што се крие во неговата душа, поставувајќи си го постојано прашањето: Создадов ли дело или ова се само бои распослани на платно, на хартија?

Тој, можеби и самиот како уметник не е свесен дека насликал дела што ќе бидат високо вреднувани во тајната книга на едно идно македонско и балканско време. Неговите слики на уверлив начин сами од себе зборуваат дека знаат да светат и кога сонцето се помрачува во ликовната татковина на уметникот – напиша Манојлов.

(Текстот е објавен во „Културен печат“ број 43, во печатеното издание на „Слободен печат“ на 8-9 август 2020)

Прочитај повеќе

Книжевен мозаик: „Магор“ објави десет европски автори

Тони Димков

Книжевна промоција: Нов роман „На враќање“ од Фросина Пармаковска

Тони Димков

Зборник на народна еротика: „(И)стории од долапот“ од д-р Ана Мартиноска

Тони Димков

Книжевна резиденција: Писателката Маја Солар престојува во Скопје

Тони Димков

Блуз и соул фестивал 2020: Домашен блуз со „Банкрот блуз бенд“ и пријателите

Тони Димков

Разговор со Бранислав Николов, Пијан Славеј од групата „Фолтин“: Зависник сум од ритамот, мелодијата и од формата во поезијата

Тони Димков

Остави Коментар

Прочитај повеќе

Продукција: Филмови на „Авард филм и видео“ учествуваат на три фестивали

Тони Димков

Интервју со д-р Ана Стојаноска: Пишувањето ми е лична борба и задоволство

Тони Димков

Национална галерија: Миграцијата како мотив за сликање портрети на тетовскиот сликар Биљгаип Кочиште – Биге

Тони Димков

Фестивал за современи уметности „Акто“ 2020: Човек на човека мора да му е семејство

Тони Димков

Фестивал за критичка култура: „Крик“ го опсервира актуелното општество

Тони Димков

ДММ 2020: Грандиозни концерти со македонска музика

Тони Димков