Излезноста на гласањето во првиот круг на претседателските избори до 13 часот е 26,35 проценти, информираше претседателот на Државната изборна комисија Александар Даштевски повикувајќи се на податоците кои досега се обработени. До ДИК пристигнале податоци од 1.720 избирачки места, односно од 49 проценти од избирачките места. Вкупен број на избирачи кои гласале во избирачките места од каде се пристигнати податоци до ДИК е 229 илјади и 803 гласачи.

Тоа е за 10 проценти повеќе отколку на минатите избори. Според податоците за излезност пристигнати досега, најголема излезност има во Новаци (42,87 проценти), а најмала е излезноста во Врапчиште (10,18 проценти), рече Даштевски.

Гласањето досега се одвива мирно на сите гласачки места, информираше Државната изборна комисија.

Досега во ДИК се доставени 140 приговори за заштита на избирачкото право. Од нив 16 приговори се усвоени и на избирачите им е овозможено да остварат право на глас. Осум приговори се отфрлени како неуредни а девет се одбиени. Останатите приговори се обработуваат.

Инфографик: Излезност за претседателски избори 2024 од 9 до 13 часот