Пожар во поранешна Топилница избувнал утрово, кој е локализиран од страна на екипа на Територијалната противпожарна единица. Пожарот бил пријавен во 10.50 минути од страна на граѓани. 

Како што информираат за МИА од Тетиторијалната противпожарна едиица тие за настанот биле повикани од граѓани во 10,50 минути, а не од обезбедувањето на фабриката и на местото на настанот се упатиле со две пожарникарски возила и шест пожарникари. Појаснуваат дека пожарот го направиле работници при сечење метал, при што   искра  ја зафатила една  од постројките за филтрирање во Топилницата, а на која работеле. Пожарот за 15-тина минути бил локализиран и целосно изгаснат за 20-тина минути и се беше санирано и безбедно.

Потенцираат и порачуваат на граѓаните на Велес дека во поранешната Топилница за олово и цинк нема материјал кој е опасен по здравјето на луѓето.

Инаку велешката Топилница по 30-годишно загадување на Велес,  не работи 18 години, од пролетта во  2003 година.