Италијанскиот министер за одбрана Гвидо Кросето издаде драматично предупредување за војна со Иран, велејќи дека има „застрашувачки“ информации што укажуваат на ескалација на конфликтот, чии последици ќе ги почувствува цела Европа, пренесуваат италијанските медиуми.

„Ја живеам оваа војна и нејзините потенцијални последици 24 часа на ден. Поради природата на мојата работа, имам пристап до информации што ме држат буден. Се плашам што би можело да се случи во наредните недели, како и последиците што тоа ќе ги има врз економијата и секојдневниот живот“, рече Кросето.

Министерот, исто така, потврди дека Италија не била вклучена во донесувањето клучни одлуки што доведоа до сегашната напната ситуација. Тој рече дека неговата земја не поддржува војна со Иран и дека „никој не ги прашал за нивното мислење“.

Кросето верува дека војната со Иран може да биде подолга и посложена од конфликтот во Украина, првенствено поради силата на Иран.

„Иран е поголем, побројен и историски посилен од Украина, што го прави тежок противник“, предупреди тој.

Израел забранил миса за Цветници, американскиот амбасадор вели дека одлуката е „тешка за разбирање“