Истражување во Австрија: Само 17 отсто од популацијата би примила вакцина против ковид-19, дури 83 отсто ја одбиваат како обврска
Само едно од пет лица во Австрија има намера да се вакцинира против ковид-19, откако вакцината ќе биде достапна, покажа истражување на јавното мислење.
Според анкетата, спроведена по нарачка на агенцијата АПА и телевизијата АТВ, само 17 проценти од Австријците изјавиле дека сигурно ќе се вакцинираат додека 29 отсто се изјасниле дека сигурно нема да го направат тоа. Уште 13 проценти од испитаниците истакнале одредена подготвеност за вакцинација.
Врз основа на ова истражување, експертите тргнуваат од фактот дека, во овој момент, можат да бидат мобилизирани 30 проценти од граѓаните за да се вакцинираат.
Министерот за здравство Рудолф Аншобер претходно изјави дека е потребна стапка на вакцинација од најмалку 50 проценти со цел животот да се врати во нормала.
Во исто време, 83 проценти од Австријците одбиваат обврска за вакцинирање, а само 14 би поддржале таква обврска.