Иран денес го отвори својот воздушен простор по речиси петчасовно затворање поради загриженост за можна воена акција, што ги попречи летовите во регионот, јавува Ројтерс.

Ограничувањата беа укинати непосредно пред 3 часот наутро по Гринич, покажа услугата за следење на летови Flightradar24, при што неколку ирански авиокомпании беа меѓу првите што ги продолжија домашните летови.

Техеран го затвори својот воздушен простор за сите освен за меѓународни пристигнувања и заминувања со официјална дозвола околу 22:15 часот по Гринич во среда, според известувањето објавено на веб-страницата на Федералната администрација за воздухопловство на САД.

Затворањето на иранскиот воздушен простор принуди неколку авиокомпании да откажат, пренасочат или одложат некои летови.