ИОК бара начин да ги вклучи руските и белоруските спортисти во меѓународните натпреварувања. Желбата на Интернационалниот Олимписки комитет е и тие да се појават на Олимписките игри во Париз во 2024 година, додека санкциите против двете земји сè уште остануваат на сила.

Претседателот на ИОК, Томас Бах, на прес-конференција во средата рече дека на оваа тема нашироко се разговараше за време на тридневното заседание на Извршниот одбор.

Откако на 24 февруари годинава почна руската агресија врз Украина, која ја поддржа Белорусија, ИОК ги казни тие две земји и им препорача на меѓународните федерации да го забранат настапот на руските спортисти или да го дозволат тоа, но без да ги истакнуваат националните симболи.

ИОК тоа го нарече заштитна мерка, иако е спротивно на слоганот на организацијата за обединување.

– Олимпиското движење мора да биде обединувачко, а не што ќе разделува. Мора да најдеме начини да ја надминеме оваа ситуација и да останеме верни на нашата мисија. Санкциите ќе останат во сила, но мораме да го заштитиме интегритетот на меѓународните натпреварувања. Ова е ситуација што мораме да ја надминеме. Во меѓународните натпреварувања мора да важи принципот на права и праведност за секого – вели претседателот на ИОК, Бах.

The IOC Executive Board unanimously reaffirmed that sanctions against the Russian and Belarusian State and Government must remain firmly in place, while the IOC will explore ways to overcome the dilemma with regard to athletes’ participation.

Read⬇️https://t.co/WNqAJDPuSt

— IOC MEDIA (@iocmedia) December 7, 2022