Хрватска: Тројца пратеници вмешани во мега аферата Јанаф, уапсени 10 лица

Во хрватскиот Парламент денеска ќе се гласа за одлуката на Комисијата за мандати и имунитет за укинување на имунитетот на пратениците Дражен Баричиќ (ХДЗ), Винко Гргиќ (СДП) и Дарко Пуљашиќ (ХДЗ) со цел да се спроведе кривична постапка под сомнение за извршено кривично дело.

Баришиќ и Гргиќ се поврзани со проневера во аферата Јанаф, јави Хина.

Барањето за согласност за поведување кривична постапка против Баришиќ го побара УСКОК под сомнение за сторено кривично дело трговија со влијание и злоупотреба на службената положба, а за Гргиќ, под сомнение за примање мито.

Барањето за укинување на имунитетот на Пуљашиќ ќ беше испратено од окружниот суд во Славонски Брод поради продолжување на кривичната постапка од 2018 година.

Поради сомневање за економски криминал, вчера во Хрватска беа приведени десетина лица, меѓу кои и шефот на управата на компанијата, Јанаф, како и двајца членови на Парламентот и градоначалник, чии имунитети можат да бидат укинати.

Претседателот на Управниот одбор на Јанаф, Драган Ковачевиќ беше уапсен утрово во рамки на истрагата за економски криминал, а во истрагата беа вклучени уште десетина други лица, вклучително и пратеникот од ХДЗ, градоначалникот на Велика Горица, Дражен Баришиќ и Винко Гргиќ, градоначалник на Нова Градишка.

Драган Ковачевиќ е на чело на Јанаф, државна компанија што доставува сурова нафта преку цевководи, од 2012 година.

Приведените лица се товарат за фаворизирање во врска со распределбата на милионски бизниси, додека Ковачевиќ е осомничен и за примање мито.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот