Хонг Конг вели дека ќе подари 500.000 авионски билети, во вредност од 254,8 милиони американски долари во обид да ја зајакне својата туристичка индустрија погодена од ковид-пандемијата, пренесува Би-Би-Си.

Градот укина неколку од своите ковид-правила во последниве недели.

Сепак, големите авиокомпании се борат да го вратат распоредот на летовите на нивоата пред пандемијата.

Во средата, британската авиокомпанија Вирџин Атлантик соопшти дека ќе престане да работи во Хонг Конг поради прашања поврзани со војната во Украина.

„Аеродромската управа ќе го финализира аранжманот со авиокомпаниите. Откако владата ќе објави дека ќе ги отстрани сите ограничувања за ковид-19 за патниците, ќе ги спроведеме рекламните кампањи за бесплатните авионски билети“, рече Дејн Ченг, извршен директор на туристичкиот одбор на Хонг Конг.

Ченг додаде дека бесплатните билети, кои се купени за поддршка на авиокомпаниите во Хонг Конг за време на пандемијата, ќе бидат дистрибуирани следната година до патниците од страна на градските аеродромски власти.