Хелена Бонам Картер, наводно, ја напуштила четвртата сезона на „Белиот лотос“ (The White Lotus) поради креативни разлики со креаторот на серијата, Мајк Вајт, пишува „Пипл“.

Имено, Вајт побарал Бонам Картер да даде „бучна“ изведба за ликот на избледена ѕвезда која сака да се врати на сцената.

Нејзината одлука да си замине дојде само една недела по нејзиното снимање на француската ривиера. Оттогаш е заменета од претходната соработничка на Вајт, Лора Дерн, која ќе игра нов лик, развиен специјално за неа, наместо да ја преземе улогата на Бонам Картер.

Во времето на заминувањето на Бонам Картер, портпарол на Ејч-би-о изјави дека „стана очигледно дека ликот што Мајк Вајт го создаде за Хелена Бонам Картер не се совпаѓаше“.

„Ејч-би-о, продуцентите и Мајк Вајт се тажни што нема да можат да работат со неа, но остануваат страствени обожаватели и се надеваат дека наскоро ќе соработуваат со легендарната актерка на друг проект“, продолжува соопштението.

Новата сезона, која започна со снимање на 15 април во Франција, ќе го следи натпреварот помеѓу два ривалски филмски тима на Канскиот филмски фестивал. Ќе следи како новата група гости и вработени во хотелот „Бел лотос“ се справуваат во текот на таа недела.

Заедно со Дерн, во претстојната сезона ќе глумат Александар Лудвиг, Еј-Џеј Михалка, Стив Куган, Кејлеб Џонте Едвардс, Сандра Бернхард, Хедер Греам, Чарли Хол, Крис Месина, Макс Гринфилд и Кумаил Нанџиани.

Хелена Бонам Картер ја напушти серијата „Белиот лотос“ само неколку дена по почетокот на снимањето