Хамилтон најдобар во квалификациите на „Каталуња“
Британецот во борбата за пол позиција (негова 92 во кариерата) го победи тимскиот колега Валтери Ботас…Луис Хамилтон, возачот на Мерцедес ќе стартува како првопласиран на неделната трка за Големата награда на Шпанија.
Актуелниот светски шампион во Формула 1 денеска на шестата трка од годинешниот шампионат ја запиша четвртата најдобра стартна позиција оваа сезона со најдобро време од 01:15.584 мин.
Career pole No. 92 for @LewisHamilton ?#SpanishGP ?? #F1 pic.twitter.com/kuR74vV0nD
— Formula 1 (@F1) August 15, 2020
На третото место се најде Макс Ферстапен од Ред Бул, а четврти е возачот на Рејсинг Поинт, Серхио Перес кој се врати во шампионатот после две трки отсуство, откако беше позитивен на коронавирус.
Петтата позиција ја освои тимскиот колега на Перес, Ленс Строл. Шесто време имаше вториот возач на Ред Бул, Александер Албон, следен од дуото на Мекларен, Карлос Саинс јуниор и Ландо Норис.
На дури деветтото место се најде пилотот на Ферари, Шарл Леклер, а првата „десетка“ ја комплетираше Пјер Гасли од Алфа Таури.