Хамас потврди дека ги добиле лековите за заложниците во Газа

Фото: Balkis Press/ABACA/Abaca Press/Profimedia

Хамас потврди дека ги добил лековите и почнал да ги доставува до заложниците во Газа, соопшти денеска катарското Министерство за надворешни работи. Катар и Франција посредуваа во договорот меѓу Израел и Хамас во јануари за итна испорака на медицински материјали за заложниците кои ги држеше Хамас во Газа.

За возврат треба да се достави хуманитарна и медицинска помош до цивилите во таа палестинска енклава, пренесува Ројтерс.

„Катар ги доби овие сертификати како посредник во договорот кој вклучува испорака на лекови и испорака на хуманитарна помош за цивилите во Појасот Газа, особено во најзагрозените и најоштетените области, во замена за испорака на лекови кои се неопходни за заложниците во Газа“, изјави портпаролот на катарското Министерство, Маџет Ал Ансари.

Инаку САД денеска повторно ставија вето на нацрт-резолуцијата на Советот за безбедност на Обединетите Нации (ОН) за војната меѓу Израел и Хамас, блокирајќи го повикот за итен хуманитарен прекин на огнот. За текстот подготвен од страна на Алжир гласаа 13 членови на Советот, додека Велика Британија беше воздржана. Тоа беше трето американско вето од почетокот на конфликтот на 7 октомври, потсетува Ројтерс.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот