Гвардиола: „Со 75 или 76 години ќе го напуштам Сити“
Каталонецот воопшто не размислува за заминување од Манчестер.
Препорачано
Во последно време повторно гласно се зборува за можното заминување на Пеп Гвардиола од Манчестер сити. Прославениот менаџер е на клупата на „граѓаните“ од 2016 година и досега со Сити освои шест титули во англиската Премиер лига, Лигата на шампионите, како и Светското клупско првенство.
Медиумите во Англија како потенцијален наследник на Гвардиола го посочуваат актуелниот менаџер на Челси, Енцо Мареска, но 54-годишниот тренер нема намера да го напушти „Етихад“ во блиска иднина.
„Во последните три или четири години, секојпат во одреден период ме прашувате за мојата иднина. Така што, порано или подоцна, со 75 или 76 години ќе го напуштам Манчестер сити. Ми остануваат уште 18 месеци од договорот. Многу сум воодушевен, среќен и возбуден од развојот на тимот“, изјави Гвардиола на денешната прес-конференција пред натпреварот од Премиер лигата против Вест Хем, кој е закажан за сабота.
Манчестер сити во моментов се наоѓа на второто место на табелата, со два бода помалку од лидерот Арсенал.
