Гугл се согласи да плати 68 милиони долари (околу 57,2 милиони евра) за да реши тужба во која се тврди дека ја нарушил приватноста на корисниците.

Во тужбата се тврди дека гласовно активираниот асистент на Гугл  неправилно ги шпионирал корисниците на паметните телефони, објави Ројтерс.

Прелиминарната спогодба во колективната тужба беше поднесена доцна во петокот во федералниот суд во Сан Хозе, Калифорнија, и бара одобрение од окружен судија на САД.

Корисниците на паметни телефони го обвинија Гугл , единица на Алфабет инк., за нелегално снимање и дистрибуција на приватни разговори по лансирањето на Гугл асистент со цел да им испраќаат насочено рекламирање.

Гугл асистент е дизајниран да реагира кога луѓето користат клучни зборови како „еј, Гугл“ или „добро, Гугл“.

Гугл асистент е виртуелен, гласовно активиран асистент, управуван од вештачка интелигенција, кој им овозможува на корисниците да контролираат уреди, да пребаруваат на интернет, да поставуваат потсетници, да испраќаат пораки и друго користејќи гласовни команди или пишување.

Корисниците се спротивставија на примањето реклами откако Гугл асистент погрешно го протолкува она што го кажаа како клучни зборови, познато како „лажни пријави“.

Гугл негираше какво било неправедно однесување, но постигна договор за да се избегне ризикот, трошоците и неизвесноста од судски спор.

Ејпл постигна слична спогодба од 95 милиони долари (околу 80 милиони евра) со корисниците на паметни телефони во декември 2024 година.