Олимпијакос ја следи ситуацијата со македонскиот репрезентативец Енис Барди за кој и натаму се шпекулира дека можно е летово да го напушти Леванте.

Грчкиот шампион наводно е во преговори со шпанскиот клуб од Валенсија за потписот на 27-годишниот играч од средниот ред.

Барди е новото име меѓу желбите на Олимпијакос со цел да ја освежи средината, а Леванте нема намера да го пушти својот фудбалер за помалку од три милиони евра.

Нашиот репрезентативец играше во Шпанија во последните пет години, со одиграни 162 натпревари, запишувајќи 24 голови и 15 асистенции.

Лани не успеа со тимот да обезбеди опстанок во шпанската „Ла Лига“, па останува да се види дали следната сезона ќе го гледаме Барди во „Сегунда“ или ќе се одлучи за нов предизвик во професионалната кариера.