Грчки војник бил уапсен во четвртокот наутро под сомнение дека протекувал класифицирани разузнавачки информации на „трети страни“, а според првичните извештаи, се верува дека користел енкриптиран софтвер за да пренесува чувствителни податоци кон Кина, објави „Катимерини“.

Претходните информации пошироко го опишуваа наводниот примател како „суперсила ривал на САД“.

Се смета дека офицерот доаѓал од единица на Воздухопловните сили и извршувал штабна должност со надлежност над комуникациските и електронските системи. Таа позиција, наводно, му овозможувала пристап до високо доверливи информации поврзани со грчките и со НАТО-операциите и движења.

Поранешен американски морнар му продал воени информации на кинески шпион, вели дека „му се поматил умот и мислел оти се пријатели“

Осомничениот наводно е маж на возраст меѓу 40 и 50 години. Засега не се објавени дополнителни податоци за неговиот идентитет.

Според извештаите, припадникот на армијата бил под надзор на Националната разузнавачка служба (ЕЈП) неколку месеци пред апсењето. Истражителите наводно интервенирале откако забележале значително засилување на неговите активности и акумулација на голема количина чувствителен материјал. Обемот на информации што наводно ги споделил пред апсењето останува нејасен.

Воени извори го опишуваат случајот како сериозна потенцијална закана за националната одбрана на Грција и за безбедноста на НАТО.

Првичните индиции укажуваат и дека офицерот можеби се обидел да регрутира и други луѓе, но засега не е јасно дали била формирана поширока мрежа.

Руски шпион уапсен во Полска, со децении работел во Министерството за одбрана