ВИДЕО | Градинар откри едноставен трик против оси, потребни ви се само две работи
Со доаѓањето на потоплите денови, осите почнуваат да бараат места каде што ќе ги изградат своите гнезда. Ако и претходните години сте имале проблем со овие инсекти, голема е веројатноста повторно да се појават во вашиот двор или околу домот.
Препорачано
Популарниот тикток-креатор и градинар Иш, познат под профилот „Gardening with Ish“, сподели едноставен трик со кој, како што тврди, успешно ги држи осите подалеку од својата градина – без употреба на хемикалии.
Наместо да се обидувате да уништите веќе постоечко гнездо, што може да биде опасно, тој препорачува да направите лажно осино гнездо. Методот се базира на фактот дека осите избегнуваат да се населат во области за кои мислат дека веќе се зафатени од друга колонија.
@gardening.with.ish If you’ve ever had a wasps nest in your garden like I have, you’ll know they can be quite aggressive towards you, enter your home and it’s quite stressful. Instead of doing something harsh to them you can simply encourage them to nest elsewhere. By creating a fake wasp nest theyll see it and search elsewhere to make a home which is more suitable and long term. They’ll still come to your garden to pollinate by not as a whole swarm. #gardeningtips #wasps #wasp #gardendiy #waspnest ♬ original sound – Gardening with Ish 🇬🇧
За ова ви се потребни само црна пластична кеса и парче канап. Кесата треба да се обликува така што ќе наликува на осино гнездо, а потоа да се закачи на видливо место во дворот, на тремот, во поткровјето или под настрешница.
Според Иш, осите ќе помислат дека на тоа место веќе има друга колонија и ќе побараат нова локација за своето гнездо.
Сепак, оваа метода не помага ако осите веќе изградиле гнездо. Во тој случај, најдобра превенција е редовно чистење на дворот и правилно складирање на отпадот. Осите ги привлекуваат храната, водата и слатките мириси, особено кон крајот на летото.
Иако многумина ги сметаат за непријатни, осите имаат важна улога во природата бидејќи помагаат во контролата на штетниците и опрашувањето на растенијата. Затоа, нивните гнезда се препорачува да се отстрануваат само кога претставуваат реална опасност за луѓето или домашните миленици. Во случај на поголем проблем или алергија на убод, најдобро е да се побара помош од стручна служба.
