Град Скопје за викендот ги засилува инспекциските контроли за непрописно паркирање на Водно

Фото: Град Скопје/Фејсбук

За да се заштити планината Водно од загадување и за да се овозможи непречено и безбедно движење на сите учесници во сообраќајот, а особено на пешаците и на велосипедистите, градските инспектори и овој викенд ќе вршат засилени контроли во однос на непрописното паркирање на јавни површини, пишува во објавата на Град Скопје на Фејсбук.

„Минатиот викенд благодарение на овие засилени контроли беше избегнат метежот од возила, а посетителите имаа оптимални услови за рекреација. Градските инспектори изрекоа околу 30 казни за непрописно паркирање на Водно, а бесплтаните автобуси беа преполни со патници“, велат градските власти.

Град Скопје им препорачува на граѓаните и овој викенд да го искористат бесплатниот автобуски превоз и да ги остават автомобилите во катната гаража „26 јули“ и на паркингот кај Цветен пазар (Дом на печат) и со автобус да се качат бесплатно на Водно.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот