ГОТОВ ПЛАНОТ ЗА СПАС НА ОХРИД: Мораториум на урбанистички планови и попис на дивоградби
Акцискиот план за заштита на Општина Охрид кој предвидува мерки за спроведување на препораките на УНЕСКО утре ќе бидат ставени пред охридските советници, јавува 24 Вести. Согласно планот прво треба да се донесе Одлука за времен мораториум или прекин на донесување и спроведување урбанистички планови и постапки за утврдување правен статус на бесправно изградени објекти, а потоа сугерира донесување на урбанистички планови за селата и крајбрежјето.
Планот предвидува детален попис на сите постоечки бесправно изградени објекти, оцена за нивното влијание врз културното наследство, па отстранување на сите кои се закана за доброто. Преку зајакнување на постоечките закони општината ќе превенира во делот на бесправните градби, па ќе започне и со интегрирано управување со отпадот, чистење на дивите депонии, затворање на најголемата на Буково и изградба на пречистителна станица.
Исполнувањето на препораките кои се во делот на урбанизамот е со рок до крајот на 2019. година.