Регулаторите на денешната седница донесоа одлука за корекција на цената на нафтените деривати. Со новите пресметки од ноќеска на полноќ горивата ќе се продаваат по нови, малку повисоки цени.

Во согласност со методологијата за пресметка на цените на горивата, од вечерва на полноќ малопродажните цени ќе се зголемат во просек за 3.56%.

Според тоа се формираат и новите цени кои растат за 0.5, 1.0, односно 1.5 денари.

Соодветно на тоа, цената на ЕУРОСУПЕР-95 се зголемува за 0.5 денари за литар и еден литар 95-октански бензин ќе чини 54.50 денари. Цената на ЕУРОСУПЕР-98 се зголемува за 1.00 денари за литари еден литар „98-ца“ ќе чини 57.00 денари за литар.

Цената на ЕУРОДИЗЕЛ горивото се зголемува за 1.5 денари за литар – и од вечерва на полноќ еден литар дизел ќе чини 47.00 денари.

Новите цени стапуваат на сила вечерва на полноќ и ќе важат до следната пресметка за една недела.