Голема површина на букова шума и пасишта се уништени од шумскиот пожар на Шар Планина
Голема површина на букова шума и пасишта се уништени од шумскиот пожар кој што вчера избувна на шар планинското подрачје, по што штетите се големи. Локализирани се два краци од пожарот, но не е целосно.
Од националниот парк Шар Планина велат дека поради ветрот пожарот е проширен на повеќе страни.
„Пожарот е многу проширен на три страни неколко десетина хектари се опожарени. Има изгорени и шасишта, букова шума и заемјоделски ниви од село Вешала.“ – изјави Ибрахим Дехари директор на национален парк Шар Планина.
Центарот за управување со кризи, пак соопшти дека пожарот над село Вешала во Општина Тетово сè уште е активен и тоа на недостапен терен. Заради засилување на топлиот ветер и огнот, зафатена е букова шума.
Екипа од 10 вработени (ренџери) во Националниот парк „Шар планина“ од Тетово се отидени на терен за гаснење на пожарот. Од Националниот парк се бара и асистенција од другите надлежни институции што порано да се интервенира.
„Од терен е побарана итна воздушна поддршка заради неможноста пожарот да се стави под контрола, како и повеќе вода на располагање за тетовската пожарна“, наведуваат од ЦУК.