Голем одрон на патот Скопје – Велес, Црна Река се излеа кај Бучин
Поради излевање на Црна Река кај Бучин во Крушевско, прекинат е сообраќајот на локалните патни правци: с.Бучин – Демир Хисар, с.Бучин – с.Обршани, с.Бучин – с.Трноци.
Голем одрон го отежнува сообраќајот на патот Скопје – Велес, а Црна Река се излеа кај селото Бучин поради што е прекинат сообраќајот на локалните патишта.
Препорачано
Авто-мото сојузот на Македонија (АМСМ) препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Покрај тоа, од 18:05 часот, поради излевање на Црна Река кај село Бучин во Крушевско, е прекинат сообраќајот на локалните патни правци: с.Бучин – Демир Хисар, с.Бучин – с.Обршани, с.Бучин – с.Трноци.
Од 18:15 часот е воведена и забрана за движење на товарни возила на патниот правец Струга–Ќафасан, со цел заштита на возачите и избегнување несреќи.
Дополнително, патниот правец Пробиштип – Леговец е затворен за сообраќај во двата правци од 18:30 часот поради сообраќајна незгода и вршење на увид.
Министерството за внатрешни работи презема сите мерки за отстранување на пречките и нормализирање на сообраќајот и апелира до граѓаните да ги почитуваат сообраќајните правила и поставената сигнализација, задолжително да поседуваат пропишана зимска опрема и да возат внимателно, особено во критични и поплавени подрачја.
