В недела ќе започне новиот грен слем турнир „Ролан Гарос“, а најдобриот тенисер на светот Новак Ѓоковиќ својот прв меч ќе го има во вторник.

Прв ривал на Србинот ќе биде Микаел Имер од Шведска, ова ќе им биде прв нивни дуел, а Ноле со цел да ја оправда фаворитската улога.

67 место е најдобриот пласман на Имер и Ѓоковиќ преку него ќе тргне во поход кон 18 грен слем титулата во кариерата. На Отвореното првенство на Франција доаѓа во одлична форма, откако го освои Мастерс турнирот во Рим, Италија.

Оваа сезона има учинок од 31-1, со напомена дека единствениот пораз го доживеа кога беше дисквалификуван од „УС Опен“.

Да потсетиме, „Ролан Гарос“ трае до 11 октомври, а титулата ја брани Рафаел Надал, кој во минатогодишното финале беше подобар од Доминик Тим.

Кога сме кај грен слем титулите, Рожер Федерер има 20, пред Надал со 19, а Ѓоковиќ 17.