Титула за нов рекорд: Ѓоковиќ испиша историја во Рим! (ВИДЕО)
Новак Ѓоковиќ го совлада Диего Шварцман во финалето на Мастерс турнирот во Рим (Италија) со 2:0 во сетови 7:5 и 6:3 и по петти пат се искачи на тронот во „вечниот“ град.
Најдобриот светски тенисер со овој триумф дојде до 36 мастерс титула и така стана играч со најголем број на освоени титули од серијата 1000. Почетокот на мечот не најавуваше победа на Србинот, бидејќи аргентинскиот натпреварувач беше поагресивен и стекна предност од 3:0.
The moment @DjokerNole won his 5th Rome crown and a record-breaking 36th Masters 1000 title! #IBI20 @TennisTV pic.twitter.com/h2UfV7EGRd
— Internazionali Bnl (@InteBNLdItalia) September 21, 2020
Но, Ноле собра сили и со своето големо искуство, целосно се врати и направи пресврт за 4:3. Аргентинецот се бореше, но Ѓоковиќ беше најдобар кога беше најпотребно и со нов брејк дојде до 7:5 за освојување на првиот сет.
Во вториот сет немаше многу големи возбудувања, Шварцман веднаш направи брејк, но со иста мера возврати Србинот кој со сигурна игра мирно чекореше кон триумфот.
Без загубен поен дојде до брејк за 5:3, а потоа сервираше за победа. На тој начин Ѓоковиќ се загреа со шампионска титула пред настапот на грен слем турнирот „Ролан Гарос“ (27 септември-11 октомври 2020 година).
Халеп со прва титула во „вечниот“ град, Плишкова го предаде мечот (ВИДЕО)