Ѓоковиќ и Надал се помалку доминираат во тенисот
Францускиот тенисер Жил Симон, често ги коментира случувањата во тенискиот свет, а овој пат го стори за „Лекип“.
Симон зборуваше за двајцата најдобри тенисери на денешницата, Рафаел Надал и Новак Ѓпоковиќ, и тоа по нивната пресметка во финалето на Мастерсот во Рим.
Тогаш славеше Надал во три сета и скоро три часа игра, а Симон смета дека најдобрите тенисери се помалку се доминантни на терените.
– Нивото на игра на Новак Ѓоковиќ и на Рафаел Нада е во пад. Тие помалку доминатни од пред неколку години и „патат“ против се повеќе тенисери. Речиси и да немаат мирни мечеви, но и понатаму се држат на врвот – вели Симон.
За тоа дека доминацијата на Ѓоковиќ и Надал не е толку голема доказ е Данил Медведец кој се искачи на второто место на АТП ранг листата.
Се поголем број на луѓе во тенисот сметаат дека времето на големата тројка истекува, Ѓоковиќ и Надал и понатаму победуваат на најголемите турнири, додека Рожер Федерер по операцијата на коленото е далеку од препознатливата форма.