Ѓоковиќ и Федерер четвртфиналисти во Шангај
Најдобриот светски тенисер Новак Ѓоковиќ ќе игра во четвртфиналето на турнирот во Шангај, откако го совлада Американецот Џон Изнер во третото коло.
Србинот го освои првиот сет со 7:5, а во вториот беше поуспешен со 6:3. Мечот траеше еден час и 16 минути. Во четвртфиналето Ѓоковиќ ќе ги одмери силите против грчкиот претставник Стефанос Циципас.
Како четвртфиналист се промовираше и ШВајцарецот Рожер Федерер кој како трет носител на турнирот со 2:0 (7:6, 6:4) беше подобар од Давид Гофан.
За пласман во полуфиналето Федерер ќе игра со победникот од мечот А. Зверев (Германија) и А. Рублев (Русија).
Мастерсот во Кина, „Ролекс Шангај” се игра за награден фонд од 7,4 милиони долари.