Пеља и Делиен нема да играат на првиот голем посткорона тениски турнир, Мастерс Синсинати бидејќи нивниот физиотерапевт Хуан Мануел Галван е позитивен на коронавирус.

Како што пренесува „Марка“, Галван не бил во соба со двајцата тенисери кои пак и на двете тестирања во Њујорк беа негативни на коронавирус.
Организаторот на Мастерс Синсинати но и на УС Опен кој ќе започне за 10 дена, Тениската федерација на САД (УСТА) објави дека до дисквалификација на тенисери може да дојде доколку ја делеле собата со заразената личност, а во овој случај тоа не се случило и поради тоа играчите размислуваат какви чекори да преземат.

Djokovic podría estar liderando un complot de jugadores contra la USTA https://t.co/zl0PEYES76

— Punto de Break (@PuntoDBreak) August 20, 2020

„Марка“ пренесува дека првиот тенисер на АТП ранг листата, Новак Ѓоковиќ, кој воедно е и прв човек на советот на тенисери, е во постојан контакт со колегите преку „групниот чет“ и разгораваат што да направаат. Сите тие се согласни дека одлуката на организаторот е погрешна и дека е спротивна на претходно донесените здравствени протоколи.

Шпанскиот весник исто така наведува дека Ѓоковиќ има поддршка од тенисерите од Јужна Америја, но и тие од САД, и шпекулира дека доколку не се промени одлуката можен е дури и бојкот на Мастерс Синсинати кои поради пандемијата ќе се игра во Њујорк.