Новак Ѓоковиќ повеќе не прави добри одлуки како што тоа го правеше во минатото, вели британскиот тенисер Енди Мареј.

Српскиот ас уште една година ќе заврши како светски број еден, иако не блеска во последно време, а тоа се покажа на турнирите во Виена и Лондон.

Мареј одлично го познава Ноле чии одлуки на теренот станаа полоши, а постои и шанса дека нешто го мачи.

– Проблемите надвор од теренот секако се една од тие работи. Јас сум бил во таква ситуација многу пати во текот на мојата кариера и се случува поради проблемот да не си фокусиран на тенисот и да правиш грешки во клучните моменти.

Сега Новак прави неколку грешки во тие важни ситуации. Ѓоковиќ е убедливо најдобар во последните пет години. Тој ретко греши со ударите или на мрежа, не сме навикнати да зборуваме често за него кога прави грешки – вели Мареј.