Годината што измина ќе остане запаметена по повеќе спортски настани, натпреварувања и личности. Ова се неколку од највпечатливите, прикажани по случаен редослед, без хронологија или рангирање.

Деби триумф на ПСЖ во Лигата на шампионите

Пари Сен Жермен на Луис Енрике конечно го постигна успехот од соништата на „турнирот на богатите“ откако го победи Интер во големото финале во Минхен со 5-0. „Светците“ не само што целосно доминираа над „нераѕурите“, туку покажаа дека можат да доминираат во ЛШ и во годините што доаѓаат.

Со елиминирање на екипи како Ливерпул и Арсенал на патот до финалето на Алијанц арената, Енрике и неговите му покажаа на светот дека конечно на нив е редот да го кренат трофејот. Тие го направија тоа со стил, го освоија Интерконтиненталниот куп со победа над Фламенго во сезона во која Усман Дембеле беше прогласен за нов освојувач на Златната топка.

Челси победник на „новото“ Светско клупско првенство

Во текот на летото, некои од најдобрите играчи и тимови ја прескокнаа традиционалната пауза пред сезоната и наместо тоа учествуваа на историското Светско клупско првенство, кое првпат се одржа во САД, со дури 32 учесника.

FIFA CLUB WORLD CUP WINNERS!!! 🏆 pic.twitter.com/KnbFOjfqzg

— Chelsea FC (@ChelseaFC) July 13, 2025

И покрај многуте критики, меѓу кои и оние за интензивната жештина, нискиот интерес за турнирот и слично, тоа не ја помати радоста на Челси. „Сините“ го освоија трофејот по убедливата изведба во финалето против ПСЖ и победата од 3-0, не оставајќи никаква сомнеж за нивната супериорност.

Ново ниво на ривалството меѓу Алкараз и Синер

Тенисерите Карлос Алкараз и Јаник Синер водеа битка по битка во 2025 година и беа категорија за себе. Двајцата најдобри тенсиери ги поделија грен-слем титулите. Шпанецот триумфираше на Ролан Гарос и на САД Опен, а Италијанецот на Австралија опен и Вимблдон.

Congratulations @janniksin for your first Wimbledon 🏆! Very well deserved! 🤝🏻 Thank you everyone for your support! 💚 I feel at home and it’s really special to play here! 🫶🏻 See you all next year! pic.twitter.com/IRrftANFlm

— Carlos Alcaraz (@carlosalcaraz) July 13, 2025

Три од тие четири финалиња беа меѓу нив. На крајот од календарската година, Синер беше посвеж и освои неколку титули, фрлајќи му ракавица на Алкараз, кој сепак успеа да го истисне својот голем ривал од врвот на машкиот тенис. Возбудлива 2026 година нè очекува со овие двајца, тоа е загарантирано.

Дуплантис ја победи земјината тежа

Сензационалниот натпреварувач во скок со стап, Швеѓанецот Арманд Дуплантис, блесна на Светското првенство во Токио, Јапонија. Тој ја освои светската титула со 6,15 метри, но потоа се обиде за нов светски рекорд и го направи тоа – 6,30 метри.

Европски спортист на годината, светски спортист на годината, Лауреус спортист на годината (вториот атлетичар што ја освои наградата по Усеин Болт). Ова е само дел од годината на Мондо, како што го нарекуваат неверојатниот Швеѓанец, кој остана непоразен во 16 натпревари и стана првиот спортист во скок со стап за мажи што помина две години без пораз.

Прв триумф за Ландо Норис во Формула 1

По исцрпувачката битка и разочарувањето во сезоната 2024, Британецот Ландо Норис овојпат го надмина притисокот и ја освои својата дебитантска титула во Формула 1, со што ја прекина серијата од четири титули на Макс Верстапен и го победи својот колега од Мекларен, Оскар Пјастри.

Looking back on a day we will never forget 🧡#McLaren pic.twitter.com/9xp7r5qWo4

— McLaren (@McLarenF1) December 30, 2025

Норис имаше силна втора половина од сезоната, откако претходно беше зад Пјастри. Верстапен се созеде предоцна и неговиот напад на крајот не успеа да го доведе до петта светска титула во низа. Норис сега е возачот кон кого се насочени сите очи, а одбраната на неговата титула започнува со трка во Австралија на почетокот на март.