По одржување на денешниот состанок на Акционерското друштво на Градскиот фудбалски клуб Тиквеш, се донесоа следните одлуки:

-Се раскинува договорот со шефот на стручниот штаб, Борче Христов.

-Се раскинуваат договорите со асистентите тренери: Трајче Стојковски, Ванче Шиков и Баже Левков.

-Се раскинува договорот со спортскиот директор, Љупчо Трајковски.

Од вторник, 5 мај 2026 година, целокупното раководење со клубот ќе го преземе ко-сопственикот Цезер Браво, кој ќе раководи со клубот до крајот на актуелната сезона.

-Клубот и понатаму ќе продолжи да функционира чесно, професионално и во интерес на сите љубители и поддржувачи на ГФК Тиквеш, со јасна цел – стабилност и напредок до крајот на сезоната. Клубот им се заблагодарува на шефот на стручниот штаб, неговите асистенти, како и на Спортскиот директор за нивниот ангажман и придонес во изминатиот период и им посакува многу успех во понатамошната кариера – стои во објавата на Акционерското друштво ГФК Тиквеш 1930 АД Кавадарци.