Германија најави дека ќе обезбеди финансиска помош за обнова на израелските заедници уништени од Хамас во терористичките напади на 7 октомври. Германскиот претседател Франк-Валтер Штајнмаер, за време на посетата на Кибуц Беери, една од заедниците која беше цел на палестинските милитанти, најави дека Германија следната година ќе даде седум милиони евра за нејзина реконструкција.

Средствата ќе бидат наменети за реновирање на културниот центар и место за состаноци на постарите жители на тој кибуц, кој се наоѓа на само неколку километри од границата со Појасот Газа. Штајнмаер рече дека многу жители на кибуц веќе размислуваат за враќање.

„Беери и многу други кибуци заслужуваат не само да бидат дел од историјата на Израел, туку пред сè од неговата иднина“, нагласи тој.

Кибуц Беери бил делумно основан од германски Евреи. Повеќе од 130 од неговите 1.300 жители биле убиени, а 50 се киднапирани.