Бугарското Министерството за надворешни работи вчера испратило покана до министерот за надворешни работи на Северна Македонија, Бујар Османи за одржување на годишниот состанок на Мешовитата меѓувладина комисија, според членот 12 од Договорот за пријателство, добрососедство и соработка.

Како што соопшти денеска бугарското МНР, состанокот би се одржал на 9, 10 или 11 јули во Банско.

На состанокот, според соопштението на бугарското МНР, треба да се разгледа исполнувањето на Договорот за добрососедство во изминатиов период, и да се превземат мерки за подобрување на двостраната соработка во сите сектори.

Но, министерот за надворешни, Бујар Османи нема да оди во Банско на Годишниот состанок на Мешовитата меѓувладина комисија.

Од македонското МНР велат дека ја известиле Софија оти министерот Бујар Османи како претставник на Владата во овој период ќе се фокусира на процесот во Собранието, каде треба да се расправа за францускиот предлог.

-Нотата е стигната во МНР, но Софија е известена дека во овој период Османи ќе се фокусира на процесот во Собранието, а експерите од двете министерства ќе продолжат со работа. Доколку се појави потреба, Османи и Генчовска повторно ќе одржат онлајн средба, велат од македонското МНР.

Бугарското МНР е незадоволно од фактот што Договорот и Протоколот не е формален критериум за отвoрање и затвoрање на поглавјата