Жителите на Гази Баба можат да аплицираат за субвенции  за вградување на уреди за течен гас, метан или друг вид на алтернативно гориво во возилата за 2026 година!

Јавниот повик веќе е објавен, а од Општината ги повикуваат граѓаните да се пријават, затоа што локалната власт ќе покрие до 50 отсто од трошоците, но најмногу до 18.000 денари по возило. Притоа, може да добие субвенција само за едно возило по семејство.

Право на учество имаат жители на Општина Гази Баба кои поседуваат возило произведено по први јануари 2007 година.

Аплицирањето се врши со доставување барање и потребната документација во затворен плик до Општината, а избот на луѓето што ќе добијат стипендија ќе биде според принципот „прв дојден, прв услужен“.

Повикот трае до 30 ноември годинава или до исцрпување на средствата.