Џенаро Гатузо повеќе нема да ја извршува функцијата селектор на фудбалската репрезентација на Италија, откако е донесена конечна одлука за негово заминување.

Фудбалската федерација на Италија го потврди заминувањето на Гатузо кое беше неизбежно по елиминацијата од Босна и Херцеговина во баражот за Светското првенство со што Италија остана без пласман на трет Мундијал во низа.

Гатузо ја презеде селекторската функција во јуни минатата година, наследувајќи го Лучано Спалети, но не успеа да ја оствари главната цел. Во својата тренерска кариера, поранешниот италијански репрезентативец ги водеше и Милан, Наполи, Валенсија, како и Хајдук од Сплит.

Во текот на вчерашниот ден оставки поднесоа и легендарниот Џанлуиџи Буфон, како и претседателот на Фудбалската федерација на Италија, Габриеле Гравина.