Гаранцијата од 1,7 милиони евра во недвижнини и 200.000 евра во кеш не е доволна за излез на Камчев од Шутка
Еленко Миланов адвокатот на бизнисменот кој е петтообвинет во случајот „Плацеви на Водно“, Орце Камчев, денеска соопшти дека бизнисменот по вторпат поднел гаранција во вредност од 1,7 милиони евра во недвижнини и околу 200.000 евра во готовина за да се брани од домашен притвор, но обвинителката Лиле Стефанова веднаш дала негативно мислење.
– Јордан Камчев е петтоосомничен, а единствен што се наоѓа во притвор. За лошата и ризична состојба зборува и медицинско вештачење, а поднесена е и гаранција во недвижен сопствен имот од 1,7 милиони евра недвижен имот и 200.000 евра готовински. Сметам дека гаранцијата треба да биде прифатена, бидејќи сумата ја надминува целата финансиска штета од 1,3 милиони евра за која Обвинителството го гони мојот клиент – рече Миланов.
Миланов вели дека не може целиот предмет „Плацеви на Водно“ да се темели на изјава на поранешниот премиер Никола Груевски дадена за сосема друга истрага и побара запирање на целиот процес се додека не се земе изјава од Груевски.