Женската ракометна репрезентација на Македонија забележа важна победа над селекцијата на Белгија со резултат 33:28 во рамки на квалификациите за пласман на Европското првенство 2026.

Првопласираните две репрезентации од секоја квалификациска група ќе обезбедат учество на континенталниот шампионат, како и четири најдобро третопласирани селекции.

Нашата селекција предводена од селекторот Кристијан Грчевски моментно во квалификациската група 3 е на третото место со два бодови.

Последните два меча од овој циклус македонските ракометарки ќе ги имаат следниот месец, на 7-8 април ќе ја пречекаат Германија, а на 12 април ќе гостуваат кај Словенија.

– Среќни сме, покажавме како се игра со срце. Ги исправивме грешките што ги направивме на натпреварот во Белгија и, со публиката како наш осми играч, успеавме да го добиеме овој натпревар и да ги задржиме нашите шанси за пласман на Европското првенство – се зборовите на македонската репрезентативка, Ивана Гакидова, на официјалниот сајт на ЕХФ.

Ракометарките во Куманово ѝ се реваншираа на Белгија и се вратија во игра за пласман на ЕП