5 C
Скопје

ФЗОМ за затворањето на амбулантата во Македонски Брод: Ниту една ординација не е над прописите

„Амбулантата се затвора поради заминување на лекарот во Германија освен ако здравствената установа не вработи нов лекар како замена на отсутниот лекар. Во конкретниот случај, здравствената установа останала без лекар поради неговото неоправдано отсуство од работа“, вели директорот на секторот за комуникации и административна поддршка при Фондот за здравствено осигурување (ФЗОМ), Ирфан Лимани.

Ова е реакцијата по пишувањето на „Слободен печат“ за затворањето на една од четирите приватни амбуланти во Македонски Брод, поради тоа што газдата му дал одмор на докторот, спротивно на препораките од Владата, според кои матичните доктори не смеат да користат одмор за додека СЗО не прогласи крај на пандемијата.

Сопственикот на ординацијата, доктор Игор Дабевски, рече дека е изненаден од одлуката на ФЗОМ да му ја укине капитацијата како казна за непочитување на препораката. Според неговите кажувања, препораките не се задолжителни и за нив не следуваат казни.

Прочитајте и...  Ангеловска-Бежоска: Со поголема вклученост на жените до поголем потенцијал на економиите

– Фондот нема правен основ да исплатува капитација на избран лекар кој неоправдано е отсутен од работа и наместо да се врати на работното место и да дава здравствени услуги, ја остава ординацијата само со медицинските сестри, а пациентите немајќи друг избор, биле приморани да се снаоѓаат и да се упатуваат кај друг избран лекар – објаснува Лимани.

Одлуката на Владата вели дека „…се забранува користење годишни одмори, платени и неплатени отсуства од сите вработени лица во здравствениот сектор до завршување на пандемијата со ковид-19, прогласена од СЗО… “. Истата е задолжителна за сите чинители во здравствениот систем, особено за избраните лекари кои треба секојдневно да бидат во контакт со своите заболени пациенти и да го следат нивното здравје“.

Прочитајте и...  Кристијан Даниелсон назначен за медијатор на ЕУ во Грузија

– Поради тоа, докторот бил обврзан веднаш да го прекине одморот и да се врати на работа. Во никој случај не се работи за изречена казна од Фондот поради што довело до тоа  амбулантата  да престане да работи – заклучи Лимани.

Поврзани вести

Затворени угостителски објекти во Радовиш и во Кичево

Слободен печат

Артан Груби: Одлуката на Меџити е лична, ја почитувам

Дестан Јонузи

Гостиварец нападнал медицинско лице и кршел инвентар во болница

Слободен печат

ВИДЕО: Кинеските регулатори ја истражуваат тепачката меѓу пилот и стрјуард: Едниот заврши со скршена рака, а другиот со скршен заб

Слободен печат

Издавачката куќа „Арс Ламина“ донираше книги на членките на Здружението за еманципација, солидарност и еднаквост на жените – ЕСЕ

Слободен печат

На инфективните одделенија во земјава се лекуваат 546 пациенти, слободни кревети има

Слободен печат

Остави Коментар