Поранешниот специјален претставник на ЕУ во Скопје, Ерван Фуере, во вестите за 24 Вести рече дека реториките на бугарските министри и други државни претставници во моментот делуваат како да се спроведуваат империјалистички политики од 18 век и дека тоа само го сее семето на злото.

– ЕУ не ги почитува вредностите во некои области, како што е надворешната политика. Овој ќорсокак е неуспех на ЕУ. Тоа не ја кочи само вашата Владата, туку ги кочи граѓаните и нивната европска перспектива. Тоа е сериозен расчекор и мора да бидеме внимателни, бидејќи можеме да го загубиме тлото за овој регион, рече Фуере, кој деновиве беше гостин на Преспа форумот за дијалог.

Тој ја повика ЕУ да започне постапка за корупција против Бугарија, по примерот на САД, а не да ја охрабрува да спроведува, како што вели тој, националистичка агенда.

– ЕУ да започне постапка против Бугарија за сите случаи на корупција како што започна САД. Бугарија прави удар на политиката на проширување на ЕУ, поради што излегува дека таа не ги почитува своите ветувања. Сега ЕУ не ја исполнува својата одговорност, а тоа е разочарувачки. Срамота е за Бугарија, но срамота е и за ЕУ која не може да спречи една своја членка која сака да исполни некоја своја националистичка агенда, додаде Фуере.