Шејмус Колман ќе си замине од Евертон на крајот од сезоната, откако му истекува договорот, со што ќе заврши неговата 17-годишна ера во клубот од Премиер лигата.

Искусниот 37-годишен десен бек пристигна во Евертон од ирскиот Слиго роверс во јануари 2009 година и во меѓувреме прерасна во еден од клупските симболи. Тој го држи рекордот по број на настапи во Премиер лигата за клубот со 372, а вкупно има 433 натпревари во сите конкуренции.

Колман самиот потврди дека ја завршува својата приказна на „Гудисон Парк“:

„По повеќе од 17 години во овој прекрасен фудбалски клуб, одлучив дека оваа сезона ќе биде моја последна како играч тука“, изјави Колман.

Тој додаде и благодарност до навивачите:

„Сакам да им се заблагодарам на навивачите за неверојатната поддршка. Ми помогнавте на начини што не можете ни да замислите. Секогаш се трудев да го ставам Евертон на прво место и сите вие ми значите сè на светот.“

Во текот на кариерата, тој беше капитен на тимот на 140 натпревари, но во последните сезони се соочи со повеќе повреди, кои значително ја намалија неговата улога. Оваа сезона запиша само еден старт во Премиер лигата и одигра само десет минути против Манчестер јунајтед пред да биде заменет.

Seamus Coleman – one of our greatest-ever servants and captains – has announced his proud Everton playing career spanning more than 17 years will come to an end when his contract expires next month.

Thank you for everything, Seamus. 💙

— Everton (@Everton) May 15, 2026