Денеска во УЕФА беа извлечени противниците за лигашката фаза од квалификациите за Светското првенство во женска конкуренција, кое ќе се одржи во Бразил во 2027 година.

Македонската женска сениорска фудбалска репрезентација ќе ги започне квалификациите од Лига Ц, во која има вкупно шест групи. Натпреварите од оваа фаза ќе се играат во март, април и јуни 2026 година.

Победниците од шесте групи во Лига Ц, како и двете најдобро рангирани второпласирани репрезентации, ќе имаат можност да обезбедат пласман на Светското првенство преку бараж натпревари со второ и трето пласираните селекции од Лига А.

Овие баражи ќе се играат во октомври и ноември 2026 година, по што ќе следат интерконтиненталните баражи во февруари 2027 година.

Нашите најдобри фудбалерки ќе го бара своето место во баражите преку групата Ц3, каде противници ќе ни бидат Унгарија, Азербејџан и Андора.