„Ние сме задоволни од исказот на Лиле Стефанова која практично потврди дека Јанева воопшто не ѝ се мешала, ниту ѝ сугерирала, ниту барала да не се работи предметот “Империја” ниту барала да не се преземаат дејствија против Камчев“, изјави Ирена Фрчкоска, адвокатка на Катица Јанева, второобвинета во „Рекет“.

Таа додаде дека од исказот може да се види дека Јанева на ниту еден начин не е поврзана со она што ѝ се става на товар во оваа постапка и со оние дејствија поради кои се води овој предмет, а тоа е да даде позитивно мислење поради некои коруптивни дејствија.