Франција ги повика Иран и Хезболах да останат настрана од војната меѓу Израел и Хамас, предупредувајќи на можна ескалација на конфликтот, соопшти денеска кабинетот на претседателот Емануел Макрон.

Француските власти се во контакт со иранските власти и претставници на Хезболах, а министерката за надворешни работи Кетрин Колона денеска пристигна во Тел Авив, пренесува Бета.

Франција исто така работи на ослободување на француско-израелските граѓани кои ги држеше Хамас како заложници и на евакуација на француските граѓани кои живеат во Газа.

Според дипломатски претставници, во судирите досега загинале 17 Французи, а 15 се водат како исчезнати.